நாட்டு வெடிகுண்டு வீசி வாலிபர் கொலை செய்யப்பட்ட சம்பவம் பரபரப்பை ஏற்படுத்தியுள்ளது.
சென்னை மாவட்டத்திலுள்ள பெரும்பாக்கம் பகுதியில் சரத் குமார் என்பவர் வசித்து வந்துள்ளார். இந்நிலையில் சரத்குமார் தனது வீட்டின் முன்பு அமர்ந்திருந்த போது திடீரென இரண்டு மோட்டார் சைக்கிளில் 6 பேர் கொண்ட மர்ம கும்பல் அங்கே சென்றுள்ளது. இதனையடுத்து அந்த மர்ம கும்பலை சேர்ந்தவர்கள் 3 நாட்டு வெடிகுண்டுகளை சரத்குமாரின் மீது வீசியுள்ளனர். மேலும் அவர்கள் 6 பேரும் இணைந்து சரத்குமாரை அரிவாளால் சரமாரியாக வெட்டிவிட்டு அங்கிருந்து தப்பி ஓடிவிட்டனர்.
இதனால் படுகாயமடைந்த சரத்குமார் சம்பவ இடத்திலேயே பரிதாபமாக உயிரிழந்து விட்டார். இதுகுறித்து தகவலறிந்த பெரும்பாக்கம் காவல்துறையினர் அங்கு விரைந்து சென்று சரத்குமாரின் சடலத்தைக் கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். மேலும் இச்சம்பவம் பற்றி வழக்குப்பதிவு செய்த காவல்துறையினர் சரத்குமாரை கொலை செய்ததற்கான காரணம் குறித்தும், மர்ம கும்பலை சேர்ந்தவர்கள் பற்றியும் தீவிர விசாரணை மேற்கொண்டு வருகின்றனர்.