நடிகை நயன்தாரா நடிப்பில் உருவாகியுள்ள நெற்றிக்கண் திரைப்படம் ஓடிடியில் ரிலீஸாக உள்ளது .
தமிழ் திரையுலகில் முன்னணி கதாநாயகியாக வலம் வரும் நயன்தாரா நடிப்பில் உருவாகியுள்ள நெற்றிக்கண் திரைப்படம் நேரடியாக ஓடிடியில் வெளியாக உள்ளது. இந்த படத்தை இயக்குனர் மிலிந்த் ராவ் இயக்கியுள்ளார். மேலும் ரவுடி பிக்சர்ஸ் நிறுவனம் தயாரித்துள்ள இந்த படத்திற்கு கிரிஷ் இசையமைத்துள்ளார் . இந்த படத்தில் நடிகை நயன்தாரா பார்வையற்ற பெண்ணாக நடித்துள்ளார். சமீபத்தில் இந்த படத்தின் முதல் பாடல் வெளியாகி ரசிகர்களிடையே நல்ல வரவேற்பை பெற்றது.
இந்நிலையில் நெற்றிக்கண் படத்தின் ஓடிடி உரிமை ரூ.25 கோடிக்கு விற்கப்பட்டுள்ளதாக தகவல் வெளியாகியுள்ளது. நயன்தாராவின் சம்பளம் தவிர்த்து இந்த படத்தின் மொத்த பட்ஜெட் ரூ.5 கோடி ஆகும் . இதனால் ரிலீசுக்கு முன்பாகவே ரூ.20 கோடி வரை லாபம் சம்பாதித்துள்ளனர். மேலும் நயன்தாராவின் படங்களில் அதிக தொகைக்கு விற்கப்பட்ட முதல் படம் இதுதான் என்பது குறிப்பிடத்தக்கது.