திருநெல்வேலி மாவட்டத்தில் ஊரடங்கு காலத்தில் வருமானம் இல்லாத நகை தொழிலாளி தற்கொலைக்கு முயற்சி செய்த சம்பவம் அப்பகுதியில் பரபரப்பை ஏற்படுத்தியுள்ளது.
திருநெல்வேலி மாவட்டம் திசையன்விளை பகுதியில் உள்ள தங்கம் திருமண மண்டபம் 2வது தெருவில் பன்னீர்செல்வம் என்பவர் வசித்து வந்துள்ளார். இவர் நகை தொழில் செய்து வந்துள்ளார். தற்போது கொரோனா ஊரடங்கு காரணமாக வருமானம் இன்றி மிகவும் பாதிக்கப்பட்டு மனமுடைந்து காணப்பட்டுள்ளார்.
இதனையடுத்து பன்னீர்செல்வம் நேற்று திசையன்விளையில் உள்ள அற்புத விநாயகர் சந்திப்பில் வைத்து பெட்ரோல் ஊற்றி தற்கொலை செய்து கொள்ள முயன்றுள்ளார். இதனை பார்த்து அதிர்ச்சி அடைந்த அக்கம் பக்கத்தினர் உடனடியாக அவரிடம் இருந்த பெட்ரோலை பறிமுதல் செய்து அவர் மீது தண்ணீர் ஊற்றியுள்ளனர். இதுகுறித்து தகவலறிந்து வந்த காவல்துறையினர் வழக்குப் பதிவு செய்து பன்னீர்செல்வத்தை எச்சரித்து அனுப்பியுள்ளனர்.