ரயிலில் அடிபட்டு வாலிபர் உயிரிழந்த சம்பவம் சோகத்தை ஏற்படுத்தியுள்ளது.
தூத்துக்குடி மாவட்டத்தில் உள்ள தோட்டிலோவன் பட்டி ரயில்வே தண்டவாளத்தில் வாலிபர் ஒருவர் சடலமாக கிடப்பதாக ரயில்வே காவல்துறையினருக்கு தகவல் கிடைத்துள்ளது. அந்த தகவலின்படி ரயில்வே காவல்துறையினர் சம்பவ இடத்திற்கு விரைந்து சென்று விசாரணை நடத்தியுள்ளனர். அந்த விசாரணையில் ரயிலில் அடிபட்டு இறந்த அந்த வாலிபர் லிங்கம்பட்டி கிராமத்தில் வசிக்கும் கிருஷ்ணமூர்த்தி என்பது காவல்துறையினருக்கு தெரியவந்துள்ளது.
அதன்பின் காவல்துறையினர் அவரது உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். மேலும் இதுகுறித்து வழக்குப்பதிவு செய்த காவல்துறையினர் கிருஷ்ணமூர்த்தி தற்கொலை செய்து கொண்டாரா அல்லது தண்டவாளத்தை கடக்க முயற்சி செய்யும் போது ரயிலில் அடிபட்டு இறந்தாரா என்ற விவரம் குறித்து விசாரணை நடத்தி வருகின்றனர்.