நாடு முழுவதும் கொரோனா இரண்டாவது அதி தீவிரமாக பரவி வருகிறது. அதனை கட்டுப்படுத்த மத்திய மற்றும் மாநில அரசுகள் பல்வேறு நடவடிக்கைகளை மேற்கொண்டு வருகிறது. இருந்தாலும் நாளுக்கு நாள் நாம் சிலரை இழந்து கொண்டு தான் இருக்கிறோம். அதன்படி தற்போது வரை அரசியல் பிரபலங்கள், திரைப் பிரபலங்கள் உள்ளிட்ட பலரும் கொரோனாவால் உயிரிழந்துள்ளனர்.
இந்நிலையில் முன்னாள் தடகள வீரர் மில்கா சிங் (91) காலமானார். கொரோனாவால் பாதிக்கப்பட்டு மருத்துவமனையில் சிகிச்சை பெற்று வந்த நிலையில், சிகிச்சை பலனின்றி உயிரிழந்தார். இவர் ஐந்து முறை ஆசியப் போட்டிகளில் தங்கம் வென்றவர். காமன்வெல்த் மற்றும் தேசிய போட்டிகளில் பல்வேறு சாதனைகள் படைத்தவர். இவரது வாழ்க்கை “பாக் மில்கா பாக்” என்ற பெயரில் படமாக உருவானது. இவரது மறைவுக்கு பிரதமர் மோடி உள்ளிட்ட பலரும் இரங்கல் தெரிவித்து வருகிறார்கள்.