குடிபோதையில் தகராறு செய்ததால் வாலிபரை நண்பர்கள் இணைந்து கல்லால் அடித்துக் கொலை செய்த சம்பவம் பரபரப்பை ஏற்படுத்தியுள்ளது.
சென்னை மாவட்டத்திலுள்ள அரும்பாக்கம் பகுதியில் தனியார் விடுதி ஒன்று அமைந்துள்ளது. இந்த விடுதியில் அன்னை சத்யா நகர் பகுதியில் வசிக்கும் சுரேஷ்குமார், பாலாஜி, இசக்கி, மோசஸ் ஆகிய நான்கு நண்பர்கள் அறை எடுத்து தங்கியுள்ளனர். அதன்பிறகு நண்பர்கள் இணைந்து இசக்கியின் பிறந்தநாள் விழாவை அங்கு கொண்டாடியுள்ளனர். இதனை அடுத்து அந்த விடுதியில் பக்கத்து அறையில் தங்கியிருந்த பத்ரிஷ் என்ற வாலிபர் குடிபோதையில் நண்பர்களுடன் தகராறு செய்துள்ளார். அப்போது கோபமடைந்த நண்பர்கள் அவரை தாக்கியுள்ளனர்.
இதனை பார்த்ததும் விடுதி நிர்வாகத்தினர் 5 பேரையும் விடுதியில் இருந்து வெளியேறிய பிறகும் மீண்டும் அவர்கள் தகராறு செய்துள்ளனர். அப்போது பத்ரிஷை நண்பர்கள் 4 பேரும் இணைந்து கல்லால் அடித்து கொலை செய்து விட்டு அங்கிருந்து தப்பி ஓடிவிட்டனர். இது குறித்து தகவலறிந்த காவல்துறையினர் அங்கு விரைந்து சென்று உடலை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். மேலும் இது குறித்து வழக்கு பதிவு செய்த காவல்துறையினர் 4 நண்பர்களையும் கைது செய்து விசாரணை நடத்தி வருகின்றனர்.