தமிழகத்தில் வரும் 24ஆம் தேதி மழை பெய்யக் கூடும் என சென்னை வானிலை ஆய்வு மையம் தெரிவித்துள்ளது.
இந்தியாவில் பல மாநிலங்களில் தென்மேற்கு பருவமழை தொடங்கி பெய்து வருகின்றது. அண்டை மாநிலமான கேரளாவில் தென்மேற்கு பருவமழை தீவிரமாக பெய்து வருகின்றது. தமிழகத்தில் இன்னும் தென்மேற்கு பருவமழை தொடங்காமல் கோடை வெயில் வாட்டி வதைத்து வருகின்றது. நேற்று மட்டும் சென்னையில் பல்வேறு பகுதிகளில் மழை பெய்தது. இதனால் வெப்பச்சலனம் சற்று தணிந்து குளிர்ச்சியான சூழ்நிலை நிலவியது. இது மக்களுக்கு மகிழ்ச்சியை அளித்தது.
தற்போது சென்னை வானிலை ஆய்வு மையம் தமிழகத்தில் வரும் 24-ஆம் தேதி வரை மழை பெய்யும் என்று தெரிவித்துள்ளது. மேலும் நீலகிரி, கோவை, தேனி, சேலம் உள்ளிட்ட மாவட்டங்களிலும், மேற்கு தொடர்ச்சி மலையை ஒட்டிய மாவட்டங்கள் மற்றும் வட மாவட்டங்களில் இடி மின்னலுடன் கன மழை பெய்யக்கூடும் என்று தெரிவித்துள்ளது. அரபிக்கடல், வங்கக்கடல் பகுதிகளில் மீனவர்கள் மீன்பிடிக்கச் செல்ல வேண்டாம் எனவும் அறிவுறுத்தப்பட்டுள்ளது.