சாலை ஓரம் நிறுத்தி வைக்கப்பட்ட காரில் தீப்பிடித்து எரிந்ததில் அதிர்ஷ்டவசமாக தம்பதியினர் உயிர் தப்பி விட்டனர்.
விருதுநகர் மாவட்டத்திலுள்ள நாராயணபுரம் பகுதியில் சரவணன்-சுகன்யா தம்பதியினர் வசித்து வருகிறார். இந்நிலையில் தனது மனைவியுடன் சரவணன் சாத்தூருக்கு செல்வதற்காக வீட்டில் இருந்து காரில் புறப்பட்டு உள்ளார். அப்போது தாயில்பட்டி அருகே தேநீர் அருந்துவதற்காக காரை சாலை ஓரமாக நிறுத்தி விட்டு சென்றனர். இதனை அடுத்து சற்று நேரத்தில் காரில் தீ கொழுந்துவிட்டு எரிந்தது.
பின்னர் அதிர்ஷ்டவசமாக உயிர் தப்பிய சரவணன் சுகன்யா தம்பதியினர் உடனடியாக வேப்பங்கோட்டை தீயணைப்புத் துறையினருக்கு தகவல் அளித்துள்ளார். அந்த தகவலின் படி தீயணைப்பு துறையினர் சம்பவ இடத்திற்கு விரைந்து வந்து தீயை அணைத்தனர். மேலும் இது குறித்து வேப்பங்கோட்டை காவல்துறையினர் வழக்கு பதிவு செய்து விசாரணை மேற்கொண்டு வருகின்றனர்.