அய்யோ போலீஸ் வராங்க… தெறித்து ஓடிய நபர்கள்… இருவரை கைது செய்த போலீசார்…!!

ராமநாதபுரம் மாவட்டம் திருவாடானை பகுதியில் சூதாடி கொண்டிருந்தவர்களின் 2 பேரை போலீசார் கைது செய்துள்ளனர்.

ராமநாதபுரம் மாவட்டம் திருவாடனையை அடுத்துள்ள பாசி பட்டினத்தில் பணம் வைத்து சூதாட்டம் நடைபெறுவதாக காவல்துறையினருக்கு தகவல் கிடைத்துள்ளது. அந்த தகவலின் அடிப்படையில் எஸ்.பி பட்டினத்தில் காவல்துறையினர் அதிரடி சோதனையில் ஈடுபட்ட போது அப்பகுதியில் உள்ள பள்ளிக்கு பின்புறம் உள்ள முட்புதரில் வைத்து சிலர் பணம் வைத்து சூதாடி கொண்டிருந்துள்ளனர்.

இதனையடுத்து போலீஸ் வருவதை பார்த்ததும் அங்கிருந்தவர்கள் தெறித்து ஓடியுள்ளார். இதனை தொடர்ந்து போலீசார் விசாரணை நடத்தியதில் சூதாடிய நபர்களில் 2 பேர் அதே பகுதியை சேர்ந்தவர்கள் என்பது தெரியவந்துள்ளது.மேலும் அப்பகுதியை சேர்ந்த ராவுத்தர்(33), புரோஸ்கான்(30) ஆகிய 2 பேர் மீது வழக்கு பதிவு செய்து கைது செய்துள்ளனர்.