கண்ணிமைக்கும் நேரத்தில்… கோர விபத்தில் பறிபோன உயிர்… புதுக்கோட்டையில் நடந்த சோகம்…!!

2 மோட்டார் சைக்கிள்கள் நேருக்கு நேர் மோதி கொண்ட விபத்தில் பெண் உயிரிழந்த சம்பவம் சோகத்தை ஏற்படுத்தியுள்ளது.

புதுக்கோட்டை மாவட்டத்தில் உள்ள ஆலங்குடி பகுதியில் சிவக்குமார் என்பவர் வசித்து வருகிறார். இவருக்கு லட்சுமி என்ற மனைவியும், நாகஜோதி என்ற மகளும் இருந்துள்ளனர். இவர்கள் இருவரும் மேலக்கொத்தக்கோட்டை  அருகே இருசக்கர வாகனத்தில் சென்றுள்ளனர். அந்த சமயத்தில் கடையக்குடி பகுதியில் வசிக்கும் வினோத்குமார் என்பவர் மோட்டார் சைக்கிளில் வந்துகொண்டிருந்தார். இதனை அடுத்து எதிர்பாராதவிதமாக வினோத்குமாரின் மோட்டார் சைக்கிள்  நாகஜோதியின் இருசக்கர வாகனத்தின் மீது  பலமாக மோதி விட்டது.

இந்த விபத்தில் பலத்த காயம் அடைந்த நாகஜோதி மற்றும் லட்சுமியை அருகில் இருந்தவர்கள் உடனடியாக மீட்டு புதுக்கோட்டை மருத்துவமனையில் சிகிச்சைக்காக அனுமதித்துள்ளனர். ஆனால் அங்கு மருத்துவர்கள் அளித்த சிகிச்சை பலனின்றி லட்சுமி உயிரிழந்தார். அவரது மகள் நாகஜோதிக்கு மருத்துவர்கள் தீவிர சிகிச்சை அளித்து வருகின்றனர். மேலும் இச்சம்பவம் குறித்து புளியங்குடி காவல்துறையினர் வழக்கு பதிவு செய்து விசாரணை மேற்கொண்டு வருகின்றனர்.