டாப்ஸி நடிப்பில் உருவாகவுள்ள சபாஷ் மித்து படத்தின் இயக்குனர் மாற்றம் செய்யப்பட்டுள்ளார்.
தமிழ் திரையுலகில் இயக்குனர் வெற்றிமாறன் இயக்கத்தில் தனுஷ் நடிப்பில் வெளியான ஆடுகளம் படத்தின் மூலம் கதாநாயகியாக அறிமுகமானவர் டாப்ஸி. இதை தொடர்ந்து இவர் வந்தான் வென்றான், ஆரம்பம், காஞ்சனா-3 போன்ற திரைப்படங்களில் நடித்திருந்தார் . மேலும் இவர் தெலுங்கு, ஹிந்தி உள்ளிட்ட மொழி திரைப்படங்களில் நடித்து வருகிறார். தற்போது பாலிவுட்டில் இவர் நடிப்பில் உருவாகியுள்ள ஹஸீன் தில்ரூபா திரைப்படம் நேரடியாக ஓடிடியில் ரிலீஸாக இருக்கிறது.
SRIJIT MUKHERJI TO DIRECT TAAPSEE STARRER… #ShabaashMithu – the biopic on the life of #cricket legend #MithaliRaj – will now be directed by #SrijitMukherji… Initially, #RahulDholakia was directing the film… Stars #TaapseePannu… Produced by Viacom18 Studios. pic.twitter.com/YnedleLBw7
— taran adarsh (@taran_adarsh) June 22, 2021
சமீபத்தில் இந்திய மகளிர் கிரிக்கெட் அணியில் கேப்டனாக இருந்த கிரிக்கெட் வீராங்கனை மிதாலி ராஜ் பயோபிக் திரைப்படமான சபாஷ் மித்து படத்தில் டாப்ஸி நடிக்க இருப்பதாக அறிவிப்பு வெளியானது. வியாகாம் 18 ஸ்டுடியோஸ் தயாரிக்கும் இந்த படத்தை ராகுல் தொலக்யா இயக்குவதாக இருந்தது. இந்நிலையில் இந்த படத்தில் இருந்து இயக்குனர் ராகுல் தொலக்யா விலகி விட்டதால் அவருக்கு பதிலாக பிரபல பாலிவுட் இயக்குனர் ஸ்ரீஜித் முகர்ஜி இந்த படத்தை இயக்க இருப்பதாக அதிகாரப்பூர்வமாக அறிவிக்கப்பட்டுள்ளது.