நாடு முழுவதும் கொரோனா இரண்டாவது அலை அதி தீவிரமாக பரவி வருகிறது. அதனை கட்டுப்படுத்த மத்திய மற்றும் மாநில அரசுகள் பல்வேறு நடவடிக்கைகளை மேற்கொண்டு வருகின்றன. அதன் முக்கிய பகுதியாக 18 வயதிற்கு மேற்பட்ட அனைவருக்கும் தடுப்பூசி போடும் பணி நடந்து கொண்டிருக்கிறது. அதுமட்டுமல்லாமல் மக்கள் மத்தியில் தடுப்பூசி குறித்த அச்சத்தை போக்க பல விழிப்புணர்வு ஏற்படுத்தப்பட்டு வருகின்றன. அவ்வகையில் நடிகர்கள் சிலர் கொரோனா தடுப்பூசி போட்டுக் கொண்டு மக்களுக்கு விழிப்புணர்வு ஏற்படுத்தி வருகின்றனர்.
இந்நிலையில் நடிகர் ஆர்யா என்று கொரோனா தடுப்பூசி செலுத்தி கொண்டார். அந்தப் புகைப்படத்தை அவர் சமூக வலைதளங்களில் பதிவிட்டு பொதுமக்கள் அனைவரும் தற்போது செலுத்திக் கொள்ள வேண்டும் என்று வேண்டுகோள் விடுத்துள்ளார்.இதற்கு முன்னதாக நடிகர்கள் கார்த்தி, சூர்யா, இயக்குனர் பிரசாந்த் நீல், விக்னேஷ் சிவன், நடிகைகள் நயன்தாரா, கீர்த்தி சுரேஷ் மற்றும் ரம்யா பாண்டியன் உள்ளிட்ட பலர் தடுப்பூசி செலுத்திக்கொண்டே புகைப்படம் வெளியிட்டனர் என்பது குறிப்பிடத்தக்கது.