பிரிட்டன் சுகாதார துறை செயலாளருடன் நெருக்கமாக இருந்த பெண் தலைமறைவாகி விட்டதாக தகவல்கள் வெளியாகி உள்ளது.
பிரிட்டன் சுகாதார துறை செயலாளர் Matt Hancock தனது உதவியாளராக பணிபுரியும் திருமணமான பெண்ணுடன் நெருக்கமாக இருந்த புகைப்படங்கள் இணையத்தில் வைரலாகி பரபரப்பை ஏற்படுத்தியது. இதனால் பொதுமக்கள் இவர் மீது சமூக வலைதளங்களில் கடும் விமர்சனங்கள் செய்து வருகின்றனர். அதோடு அரசியல் கட்சித் தலைவர்கள் பலர் அவர் பதவி விலக வேண்டும் என்று அந்நாட்டு பிரதமருக்கு தொடர்ந்து அழுத்தம் கொடுத்து வருகின்றனர்.
இந்நிலையில் இந்த சர்ச்சையில் சிக்கிய சுகாதாரத்துறை செயலாளரின் உதவியாளராக பணிபுரிந்து வந்த Gina Coladangelo திடீரென தலைமறைவாகி விட்டதாக தகவல்கள் வெளியாகியுள்ளது. மேலும் Gina தன் கணவர் மற்றும் 3 பிள்ளைகளை தவிக்கவிட்டு தலைமறைவாகி விட்டார் என்று அந்நாட்டில் உள்ள பிரபல பத்திரிக்கை நிறுவனம் இந்த செய்தி குறிப்பில் தெரிவித்துள்ளது.