டிப்ளமோ படித்து வரும் கல்லூரி மாணவனின் அருள் வாக்கின்படி ஆற்றில் கற்சிலை கண்டெடுக்கப்பட்டது .
வேலூர் மாவட்டத்திலுள்ள குடியாத்தம் நெல்லூர்பேட்டை பாவோடும் தோப்பு செல்லியம்மன் கோவில் தெரு கவுண்டன்ய மகாநதி ஆற்றின் பக்கத்தில் இருக்கின்றது. அதே பகுதியை சேர்ந்த மோகன்ராஜ் என்பவர் வேலூர் பாலிடெக்னிக் கல்லூரியில் டிப்ளமோ படித்து வருகின்றார். இந்நிலையில் மோகன்ராஜ் என்பவருக்கு அருள்வாக்கு வந்து ஆற்றங்கரை ஓரத்தில் ஒரு குறிப்பிட்ட இடத்தில் அம்மன் சிலை இருப்பதாக கூறியுள்ளார்.
இதனையடுத்து அப்பகுதியில் இருக்கக்கூடிய மக்கள் மோகன்ராஜ் குறிப்பிட்ட இடத்தில் தோண்டியபோது ஆற்றில் இருந்து 2 அடி உயரம் உள்ள ஐந்து தலை நாகத்துடன் கூடிய அம்மன் கற்சிலை கண்டெடுக்கப்பட்டது. அதன்பின் பொதுமக்கள் அந்த அம்மன் சிலையை அருகில் உள்ள சிவ சக்தி கோவிலில் வைத்து பூஜை செய்தனர். இதேபோன்று கடந்த ஒரு ஆண்டுக்கு முன்பு மோகன்ராஜ்க்கு அருள்வாக்கு வந்து ஆற்றின் நடுவே ஒரு குறிப்பிட்ட இடத்தில் காட்டிய போது அங்கு சிவசக்தி சிலைகள் கண்டெடுக்கப்பட்டது என்பதும் குறிப்பிடத்தக்கது.