பாகன் தாக்கியதால் வளர்ப்பு யானையின் கண்ணில் ஏற்பட்ட காயத்திற்கு மருத்துவர்கள் சிகிச்சை அளித்து வருகின்றனர்.
நீலகிரி மாவட்டத்தில் உள்ள முதுமலை புலிகள் காப்பகத்தில் வில்சன், ஜம்பு, சேரன் உள்பட கும்கி யானைகள் பராமரிக்கப்பட்டு வருகின்றது. இந்நிலையில் பாகன் முருகன் என்பவர் தாக்கியதால் 35 வயதான சேரன் என்ற வளர்ப்பு யானையின் இடது கண்ணில் படுகாயம் ஏற்பட்டுள்ளது.
இதனையடுத்து அந்த யானைக்கு முதுமலை புலிகள் காப்பக கால்நடை மருத்துவர் ராஜேஷ் குமார் தலைமையிலான மருத்துவ குழுவினர் தீவிர சிகிச்சை அளித்து வருகின்றனர். மேலும் யானையை தாக்கிய குற்றத்திற்காக முருகன் மீது ஒழுங்கு நடவடிக்கை எடுக்கப்பட்டுள்ளது. அதோடு தீவிர சிகிச்சை அளித்து யானையை கண்காணித்து வருவதாக அதிகாரிகள் தெரிவித்துள்ளனர்.