தமிழகத்தில் கொரோனா பரவலை கட்டுப்படுத்த முழு ஊரடங்கு அமலில் உள்ளது. அதில் பல கட்டுப்பாடுகள் விதிக்கப்பட்டு உள்ளதால் மக்கள் வேலைக்கு செல்ல முடியாமல் தங்கள் அன்றாட வாழ்க்கையை இழந்து தவித்து வருகிறார்கள். அது மட்டுமல்லாமல் பொருளாதார ரீதியாகவும் பெரிதும் பாதிக்கப்பட்டுள்ளனர். இதற்கு மத்தியில் அத்தியாவசியப் பொருட்களின் விலை நாளுக்கு நாள் உயர்ந்து கொண்டே வருவது மக்கள் மத்தியில் அதிர்ச்சியை ஏற்படுத்தியுள்ளது. அதன்படி பெட்ரோல் மற்றும் டீசல் விலை நாளுக்கு நாள் உயர்ந்து கொண்டே வருவதால் வாகன ஓட்டிகள் அதிர்ச்சிக்கு உள்ளாகியுள்ளனர்.
இந்நிலையில் தமிழகத்தில் சென்னை, திருவள்ளூர், திருச்சி ஆகிய மாவட்டங்களை தவிர்த்து 35 மாவட்டங்களில் பெட்ரோல் விலை 100 ரூபாயை தாண்டி உள்ளதால் வாகன ஓட்டிகள் பெரும் அதிர்ச்சி அடைந்துள்ளனர். டீசல் விலையும் பல்வேறு மாவட்டங்களில் 95 ரூபாய் என்ற அளவுக்கு விற்பனையாகிறது. இதனால் லாரி, ஆட்டோ மற்றும் வாடகை கார் கட்டணங்களின் விலையும் உயர தொடங்கியுள்ளது.