கார் மீது சரக்கு வாகனம் மோதிய விபத்தில் ஒருவர் உயிரிழந்த நிலையில், 5 பேர் படுகாயம் அடைந்த சம்பவம் பரபரப்பை ஏற்படுத்தியுள்ளது.
கோயம்புத்தூர் மாவட்டத்திலுள்ள மேட்டுப்பாளையம் பகுதியில் நாகராஜ் என்பவர் வசித்து வருகிறார். இந்நிலையில் நாகராஜ் தனது குடும்பத்தினருடன் காரில் மேட்டுப்பாளையம்-அன்னூர் மெயின் ரோட்டில் சென்று கொண்டிருந்தார். இதனை அடுத்து இவரின் காரின் மீது அவ்வழியாக வேகமாக சென்ற சரக்கு வாகனம் மோதி விட்டது. இந்த விபத்தில் காரில் பயணித்த நாகராஜ், சேகர், பழனியம்மாள், சாந்தா மற்றும் சரக்கு வாகனத்தில் இருந்த நஸ்ருதீன், பாஷா போன்றோர் படுகாயமடைந்தனர்.
இதனை அடுத்து உயிருக்குப் போராடிக் கொண்டிருந்தவர்களை அருகில் உள்ளவர்கள் மீட்டு மேட்டுப்பாளையம் அரசு மருத்துவமனைக்கு சிகிச்சைக்காக அனுப்பி வைத்துள்ளனர். ஆனால் மருத்துவமனைக்கு போகும் வழியிலேயே சாந்தா பரிதாபமாக உயிரிழந்து விட்டார். அதன்பின் மருத்துவமனையில் முதலுதவி சிகிச்சை அளிக்கப்பட்ட பிறகு படுகாயமடைந்த 5 பேரும் மேல் சிகிச்சைக்காக கோவை அரசு மருத்துவமனையில் அனுமதிக்கப்பட்டுள்ளனர். இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.