நாடு முழுவதும் கொரோனா பரவல் காரணமாக ஊரடங்கு அமல்படுத்தப்பட்டது. இதனால் மக்கள் வீடுகளுக்குள்ளேயே முடங்கிக் கிடக்கும் நிலை ஏற்பட்டது. இதன் காரணமாக பல்வேறு விமான சேவைகளும் ரத்து செய்யப்பட்டது. இந்நிலையில் தற்போது ஊரடங்கினால் கொரோனா பாதிப்பு சற்று குறைந்து வருவதால்ஒரு சில விமான சேவைகள் மீண்டும் தொடங்க ஆரம்பித்துள்ளது.
அந்த வகையில் இன்று (ஜூலை 1 ஆம் தேதி) முதல் மதுரையில் இருந்து துபாய்க்கு மீண்டும் விமான சேவை தொடங்கப்படுவதாக அறிவிக்கப் பட்டுள்ளது. செவ்வாய்க்கிழமை தவிர்த்து தினமும் 11:40 மணிக்கு வாரம் முழுவதும் மதுரையில் இருந்து துபாய்க்கு விமானங்கள் இயக்கப்பட உள்ளதாக தெரிவிக்கப்பட்டுள்ளது.