முன் விரோதம் காரணமாக டிரைவர் வாலிபரை அரிவாளால் வெட்டிய சம்பவம் பரபரப்பை ஏற்படுத்தியுள்ளது.
திருச்சி மாவட்டத்தில் உள்ள புதூர் உத்தமனூர் பகுதியில் கொடியரசன் என்பவர் வசித்து வருகிறார். இவர் ஓட்டுநராக பணிபுரிந்து வருகின்றார். இந்நிலையில் இவருக்கும் அதே பகுதியில் வசிக்கும் டேவிட் என்பவருக்கும் இடையே முன்விரோதம் இருந்துள்ளது. இதனையடுத்து மதுபோதையில் கொடியரசன் டேவிட் வீட்டிற்கு முன்பு நின்று தகராறு செய்துள்ளார்.
அதன் பின் இருவருக்கும் இடையே தகராறு ஏற்பட்ட போது கோபமடைந்த கொடியரசன் டேவிட்டை அரிவாளால் வெட்டியுள்ளார். இதனால் காயம் அடைந்த டேவிட்டை அருகில் உள்ளவர்கள் மீட்டு அரசு மருத்துவமனையில் சிகிச்சைக்காக அனுமதித்துள்ளனர். மேலும் இதுகுறித்து வழக்குப்பதிவு செய்த காவல்துறையினர் கொடியரசனை கைது செய்து விசாரணை நடத்தி வருகின்றனர்.