விஷாலின் 31வது திரைப்படத்தில் யார் வில்லனாக நடிக்கப் போகிறார் என்ற தகவல் வெளியாகி உள்ளது.
புதுமுக இயக்குனர் து.ப.சரவணன் இயக்கத்தில் முன்னணி நடிகர் விஷால் தனது 31வது திரைப்படத்தில் நடித்து வருகிறார். டிம்பிள் ஹயாத்தி ஹீரோயினாக நடிக்கும் இப்படத்தில் விஷாலின் நெருங்கிய நண்பர்களான ரமணாவும், நந்தாவும் முக்கிய கதாபாத்திரத்தில் நடிக்கின்றனர்.
மேலும் பிரபல இசையமைப்பாளர் யுவன் சங்கர் ராஜா இப்படத்திற்கு இசையமைக்கிறார். விஷால் பிலிம் பேக்ட்ரி தயாரிப்பில் உருவாகி வரும் இப்படத்தின் முதற்கட்ட படப்பிடிப்பு ஹைதராபாத்தில் நடைபெற்று வருகிறது.
இந்நிலையில் இப்படத்தில் விஷாலுக்கு வில்லனாக யார் நடிக்கப் போகிறார் என்ற தகவல் வெளியாகி உள்ளது. அதன்படி பிரபல மலையாள நடிகர் பாபுராஜ் இப்படத்தில் வில்லனாக நடிக்க ஒப்பந்தமாகியுள்ளார் என்று கூறப்படுகிறது. இவர் அஜித்தின் ஜனா, விக்ரமின் ஸ்கேட்ச் உள்ளிட்ட படங்களில் நடித்து இருப்பது குறிப்பிடத்தக்கது.
