சட்டவிரோதமாக மணல் கடத்தி சென்ற வாலிபரை காவல்துறையினர் வலை வீசி தேடி வருகின்றனர்.
அரியலூர் மாவட்டத்தில் உள்ள கொள்ளிடக்கரை பகுதியில் காவல் துறையினர் தீவிர ரோந்து பணியில் ஈடுபட்டுள்ளனர். இந்நிலையில் அவ்வழியாகச் சென்ற லாரியை தடுத்த நிறுத்திய போது காவல்துறையினரை கண்டதும் அதில் இருந்த வாலிபர் தப்பி ஓட முயற்சி செய்துள்ளார். இதனை அடுத்து காவல்துறையினர் அந்த வாலிபரை பிடிக்க முயற்சித்த போதும் அவர் அங்கிருந்து தப்பி ஓடிவிட்டார்.
அதன் பிறகு காவல்துறையினர் லாரியை சோதனை செய்த போது அதில் சட்டவிரோதமாக மணல் கடத்திச் சென்றது தெரியவந்துள்ளது. மேலும் இது குறித்து வழக்குப்பதிவு செய்த காவல்துறையினர் லாரியை பறிமுதல் செய்ததோடு தப்பி ஓடிய வாலிபரை வலைவீசி தேடி வருகின்றனர்.