வழிப்பறி கொள்ளையில் ஈடுபட்ட ரவுடி உட்பட 4 பேரை காவல்துறையினர் கைது செய்துள்ளனர்.
தூத்துக்குடி மாவட்டத்திலுள்ள உள்ள முள்ளக்காடு பகுதியில் ஒருவர் நடந்து சென்று கொண்டிருந்தார். அப்போது அவ்வழியாக சென்ற 4 நபர்கள் நடந்து சென்று கொண்டிருந்தவரை வழிமறித்து திடீரென அவரிடமிருந்த பணம், செல்போன், ஆகியவற்றை பறித்து சென்று விட்டனர். இதனால் அதிர்ச்சி அடைந்த அவர் காவல் நிலையத்திற்கு தகவல் தெரிவித்துள்ளார். அந்த தகவலின்படி சம்பவ இடத்திற்கு விரைந்து சென்ற காவல்துறையினர் சந்தேகப்படும் படியாக சென்றுகொண்டிருந்த 4 பேரை பிடித்து விசாரித்தபோது அவர்கள் வழிப்பறி செய்தது தெரியவந்துள்ளது.
இந்நிலையில் காவல்துறையினர் அந்த 4 பேரையும் காவல் நிலையத்திற்கு அழைத்து சென்று விசாரணை நடத்தியுள்ளனர். அந்த விசாரணையில் காவல்துறையினர் 4 பேர்களில் ஒருவருடைய செல்போனை எடுத்துப் பார்த்தபோது அவரின் பிறந்த நாளான்று தனது கேக்கை அரிவாளால் வெட்டி கொண்டாடிய புகைப்படம் இருந்ததை பார்த்துள்ளனர். இதனையடுத்து அவரிடம் இதுபற்றி விசாரித்தபோது அவர் அதே பகுதியில் வசிக்கும் பானா வேல்முருகன் என்பது தெரியவந்துள்ளது. அதற்கு உறுதுணையாக இருந்த பானா வேல்முருகனின் தம்பியான மாரிச்செல்வம் மற்றும் அவர்களின் நண்பர்களான கௌதம், டைட்டஸ் மற்றும் இசக்கி செல்வம் ஆகியோருடன் இணைந்து கொண்டாடியுள்ளார் என்பது காவல்துறையினருக்கு தெரியவந்துள்ளது.மேலும் இச்சம்பவம் குறித்து வழக்குப்பதிவு செய்த காவல்துறையினர் அவர்கள் 4 பேரையும் கைது செய்து தீவிர விசாரணை மேற்கொண்டு வருகின்றனர்.