மோட்டார் சைக்கிள் மீது லாரி மோதிய விபத்தில் 2 வாலிபர்கள் உயிரிழந்த சம்பவம் சோகத்தை ஏற்படுத்தியுள்ளது.
செங்கல்பட்டு மாவட்டத்தில் உள்ள நெய்குப்பி கிராமத்தில் பார்த்திபன் என்பவர் வசித்து வந்துள்ளார். இவரது நண்பர் கார்த்திக் வல்லம் பகுதியில் வசித்து வந்துள்ளார். இந்நிலையில் நண்பர்களான இருவரும் செங்கல்பட்டு நோக்கி மோட்டார் சைக்கிளில் சென்று கொண்டிருந்தனர். அப்போது மறைமலைநகர் அருகே நண்பர்கள் செல்லும்போது பின் வந்த லாரி திடீரென மோட்டார் சைக்கிள் மீது மோதியது.
இதனால் பலத்த காயமடைந்த பார்த்தீபன் சம்பவ இடத்திலேயே பரிதாபமாக உயிரிழந்து விட்டார். இதனையடுத்து காயமடைந்த கார்த்திக்கை அருகில் இருந்தவர்கள் மீட்டு அரசு மருத்துவமனையில் சிகிச்சைக்காக அனுமதித்தனர். அங்கு கார்த்திக் என்பவரும் சிகிச்சை பலனின்றி பரிதாபமாக உயிரிழந்தார். இதுகுறித்து தகவலறிந்த காவல்துறையினர் சம்பவ இடத்திற்கு விரைந்து சென்று பார்த்திபன் சடலத்தை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்தனர். மேலும் இதுகுறித்து காவல்துறையினர் வழக்குப் பதிவு செய்து விசாரணை மேற்கொண்டு வருகின்றனர்.