தமிழகம் முழுவதும் கொரோனா பரவலை கட்டுப்படுத்த முழு ஊரடங்கு அமல்படுத்தப்பட்டு வருகின்றது. அடுத்தடுத்து நீட்டிக்கப்பட்டு வரும் ஊரடங்கினால் தொற்று பாதிப்பு குறைந்து வருகிறது. முன்னதாக நீடிக்கப்பட்ட ஊரடங்கில் பாதிப்பு அதிகமுள்ள 11 மாவட்டங்களில் ஒரு சில தளர்வுகளும் எஞ்சிய மாவட்டங்களில் கூடுதல் தளர்வுகளும் வழங்கப்பட்டன.இந்த ஊரடங்கு இன்றுடன் முடிவடைய இருந்த நிலையில் ஜூலை-12 வரை நீட்டிக்கப்பட்டுள்ளது.
இதில் அனைத்து மாவட்டங்களுக்கும் ஒரே வகையான தளர்வுகள் அளிக்கப்பட்டுள்ளது. இந்நிலையில் இன்று காலை முதல் கூடுதல் தளர்வுகளுடன் கூடிய ஊரடங்கு அமலுக்கு வந்தது. அதன்படி, தமிழகம் முழுவதும் இன்று அனைத்து மத வழிபாட்டுத் தலங்களும் திறக்க அனுமதியளிக்கப்பட்டுள்ளது. மேலும் இரவு 7 மணி வரை கடைகள் திறக்க அனுமதியளிக்கப்பட்டிருந்த நிலையில் தற்போது அனைத்து மாவட்டங்களிலும் இரவு 8 மணி வரை கடைகள் திறக்கலாம் என்று தமிழக அரசு உத்தரவிட்டுள்ளது.