சூதாடிய 3 பேரை காவல்துறையினர் கைது செய்துள்ளனர்.
தூத்துக்குடி மாவட்டத்திலுள்ள சூசை நகரில் உள்ள காட்டுப்பகுதியில் பணம் கட்டி சீட்டு விளையாடுவதாக காவல் துறையினருக்கு ரகசிய தகவல் கிடைத்துள்ளது. அந்த தகவலின்படி காவல்துறையினர் அப்பகுதிக்கு சென்ற போது மூன்று பேர் பணம் வைத்து சீட்டு விளையாடிக் கொண்டிருந்ததை பார்த்து அவர்களை கையும், களவுமாக பிடித்து விட்டனர்.
அதன் பிறகு காவல்துறையினர் அவர்களிடம் நடத்திய விசாரணையில் அவர்கள் முத்தையாபுரம் பகுதியில் வசிக்கும் செல்வம், தங்கப்பாண்டி, பொன்னையா, என்பது தெரியவந்துள்ளது. இதனையடுத்து காவல்துறையினர் அவர்கள் வைத்து விளையாடிய சீட்டுகள் மற்றும் பணத்தை பறிமுதல் செய்துள்ளனர். மேலும் இச்சம்பவம் குறித்து வழக்குப்பதிவு செய்த காவல்துறையினர் பணம் வைத்து சூதாடிய குற்றத்திற்காக 3 பேரையும் கைது செய்து தீவிர விசாரணை மேற்கொண்டு வருகின்றனர்.