ராமநாதபுரம் மாவட்டத்தில் கோழிக்கடை வியாபாரியையும் அவரது தாயாரையும் அரிவாளால் தாக்கிய 3 இளைஞர்கள் மீது நடவடிக்கை எடுக்க வேண்டும் என பொதுமக்கள் சாலைமறியலில் ஈடுபட்டுள்ளனர்.
ராமநாதபுரம் மாவட்டம் பரமக்குடியை அடுத்துள்ள பாம்பூர் பகுதியில் அகிலன் என்பவர் கோழிக்கடை வைத்து நடத்தி வந்துள்ளார். இந்நிலையில் முன்பகை காரணமாக புழுதிக்குளம் பகுதியை சேர்ந்த 3 இளைஞர்கள் அகிலனை அரிவாளால் தாக்கியுள்ளனர். இதனைப்பார்த்த அவரது தாயார் முருகேஸ்வரி தடுக்க முயன்ற நிலையில் அவருக்கும் காயம் ஏற்பட்டுள்ளது.
இதனையடுத்து படுகாயம் அடைந்த தாயும் மகனும் மருத்துவமனையில் சிகிச்சைக்காக அனுமதிக்கப்பட்டுள்ளனர். இதனைத்தொடர்ந்து அரிவாளால் வெட்டியா 3 இளைஞர்கள் மீது நடவடிக்கை எடுக்க வேண்டும் என பாம்பூர் பகுதி மக்கள் சாலை மறியலில் ஈடுபட்டுள்ளனர். மேலும் துணை சூப்பிரண்டு வேல்முருகன் தலைமையில் காவல்துறையின் சம்பவ இடத்திற்கு சென்று விசாரணை நடத்திய நிலையில் அகிலனை தாக்கிய விக்னேஷ்(23), கண்ணன் ஆகிய 2 பேரை போலீசார் கைது செய்துள்ளனர். இந்நிலையில் மேலும் ஒருவரை தீவிரமாக தேடி வருகின்றனர்.