நம் வீட்டிலேயே எலுமிச்சை, சிவப்பு மிளகாய், கரி சேர்த்து வீட்டு வாசலில் கட்டியிருப்போம். அல்லது அலுவலகம், கடைகளில் அப்படி கட்டி இருப்பதைப் பார்த்திருப்பீர்கள். இதற்கு அலட்சுமி புராண கதையைத் தான் பலரும் கூறுவர். அதாவது மகாலட்சுமியின் சகோதரி அலட்சுமி எனும் மூதேவியாவாள். இவள் விட்டில் இருக்கும் செல்வ, செழிப்பை எடுத்துச் சென்றுவிடுவாள் என கூறுவர்.
அலட்சுமிக்கு மிகவும் விருப்பமானது புளிப்பு, காரம் மற்றும் சூடான பொருட்கள். அதனால் தான் நம் வீட்டு வாசலில் புளிப்புக்கு எலுமிச்சை, காரத்திற்கு மிளகாய், சூடான பொருளுக்கு கரி சேர்த்து கட்டி வைக்கிறோம். அவருக்கு பிடித்தமான விஷயங்கள் வீட்டு வாசலிலேயே இருப்பதால் அவற்றை சாப்பிட்டுவிட்டு வீட்டில் நுழையாமலேயே சென்றுவிடுவாள். அதனால் தான் நாம் வீட்டு வாசலில் தொங்கவிடுகிறோம் என நம்புகிறோம்.
எலுமிச்சை மற்றும் மிளகாய் ஆகியவற்றில் ‘வைட்டமின் – சி’ அதிகம் உள்ளது. நாம் ஒரு பருத்து நூலில் எலுமிச்சை, மிளகாய் ஆகியவற்றை கோர்ப்பதால் எலுமிச்சையின் சாறு மெல்ல, மெல்ல பருத்தி நூலின் வழியாக மிளகாயுடன் சேர்ந்து ஆவியாக வெளிப்படும். இந்த ஆவியாக வெளியேறி காற்றில் கலக்கும் போது நம் சுவாச ஆரோக்கியத்திற்கு நன்மை அளிக்கும். அதுமட்டுமல்லாமல் எலுமிச்சை, மிளகாயிலிருந்து வெளிப்படும் வாசம் பூச்சிகள், விஷ சக்திகள், கிருமிகள் வீட்டிற்குள் நுழையாமல் பாதுகாக்கின்றன. அதன் மூலம் உண்டாகும் நோய் தொற்றிலிருந்து நம்மை பாதுகாத்துக் கொள்ள முடிகிறது.