கண்ணிமைக்கும் நேரத்தில்… நண்பர்களுக்கு நடந்த விபரீதம்… கதறி அழுத குடும்பத்தினர்…!!

மோட்டார் சைக்கிள் மீது கார் மோதிய விபத்தில் மாட்டுத்தரகர்கள் உயிரிழந்த சம்பவம் சோகத்தை ஏற்படுத்தியுள்ளது.

விருதுநகர் மாவட்டத்திலுள்ள சாத்தூர் பகுதியில் மாரியப்பன் மற்றும் ரவிச்சந்திரன் என்ற இரண்டு நண்பர்கள் வசித்து வந்துள்ளனர். இவர்கள் இருவரும் மாட்டு தரகர்களாக இருந்துள்ளனர். இந்நிலையில் இவர்கள் 2 பேரும் மோட்டார் சைக்கிளில் சாத்தூர் நோக்கி சென்று கொண்டிருந்த போது அவ்வழியாக வேகமாக வந்த கார் இவர்களின் மீது மோதி விட்டது. இந்த விபத்தில் படுகாயமடைந்த மாரியப்பன் சம்பவ இடத்திலேயே பரிதாபமாக உயிரிழந்து விட்டார்.

அதன்பின் அருகில் இருந்தவர்கள் ரவிச்சந்திரனை மீட்டு அரசு மருத்துவமனைக்கு சிகிச்சைக்காக அனுப்பி வைத்துள்ளனர். ஆனால் அங்கு அளிக்கப்பட்ட சிகிச்சை பலனின்றி ரவிச்சந்திரனும் பரிதாபமாக உயிரிழந்து விட்டார். இதுகுறித்து வழக்குப்பதிவு செய்த காவல்துறையினர் தப்பி ஓடிய கார் டிரைவரை வலை வீசி தேடி வருகின்றனர்.