வங்கியில் வாடிக்கையாளர்கள் வைத்துள்ள நிரந்தர வைப்பு தொகை எனப்படும் எப்டி கணக்கிற்கான அவகாசத்தை புதுப்பிக்க தவறினால் குறைந்தபட்ச வட்டி வழங்கப்படும் என்று ரிசர்வ் வங்கி அறிவித்துள்ளது. நாடு முழுவதும் மக்கள் பல வங்கிகளில் தங்களது பணத்தை நிரந்தர வைப்புத் தொகையாக வைத்து வட்டி பெற்றுக் கொண்டு வருகின்றன. இந்த வைப்புத் தொகை 15 நாட்கள் முதல் பல ஆண்டுகள் வரை வைக்கப்படும். ஒவ்வொரு திட்டத்திற்கு ஏற்றால்போல் வங்கியிலிருந்து வட்டி வழங்கப்படும். தற்போது நிரந்தர வைப்பு தொகைக்கு 5 சதவீத வட்டியும், மூத்த குடிமக்களுக்கு 0.5 சதவீதம் கூடுதல் வட்டியும் வழங்கப்படுகின்றது.
ஆனால் சாதாரண சேமிப்பு கணக்குக்கு வழங்கப்படும் வட்டி விகிதம் பெரும்பாலான வங்கிகளில் 2.9 சதவீதமாக உள்ளது. அதுமட்டுமில்லாமல் வகுப்பு தொகை கணக்கில் வாடிக்கையாளர்களின் அவகாசம் முடியும் பொழுது வங்கி தானாகவே புதுப்பித்துக் கொள்ளும். தற்பொழுது இந்த நடைமுறையை ரிசர்வ் வங்கி மாற்றி அறிவித்துள்ளது. அதன்படி வங்கியில் நிரந்தர வைப்புத் தொகை வைத்துள்ள வாடிக்கையாளர்கள் கணக்கிற்கான அவகாசத்தை புதுப்பிக்க தவறினால் குறைந்தபட்ச வட்டி மட்டுமே வழங்கப்படும் என்று தெரிவித்துள்ளது.