சிங்கம்புணரி சுற்றுவட்டார பகுதிகளில் பெய்த கன மழையால் தாழ்வான பகுதிகளில் மழைநீர் தேங்கியுள்ளது.
சிவகங்கை மாவட்டத்திலுள்ள சிங்கம்புணரி பகுதியில் கடந்த சில நாட்களாக வெயில் சுட்டெரித்துள்ளது. இதனால் கோடை வெப்பம் தாக்கத்தின் காரணமாக மக்கள் தவித்து வந்துள்ளனர். இந்நிலையில் இன்று காலை முதல் சிங்கம்புணரி மற்றும் அதனை சுற்றியுள்ள பல்வேறு கிராமங்களில் இடியுடன் கூடிய கனமழை கொட்டித் தீர்த்தது.
இதனால் வெயிலின் தாக்கம் குறைந்து குளிர்ச்சியான சூழல் நிலவுவதால் பொதுமக்கள் மற்றும் விவசாயிகள் மகிழ்ச்சி அடைந்துள்ளனர். மேலும் தாழ்வான பகுதியில் மழை நீர் தேங்கி சாலைகளில் வெள்ளம் போல் பெருக்கெடுத்து ஓடுகிறது.எனவே சாலைகளில் செல்லும் வாகன ஓட்டிகள் மற்றும் பொதுமக்கள் அவதிக்குள்ளானர்.மேலும் தீடிரென பெய்த கனமழையால் மக்களின் இயல்பு வாழ்க்கை பாதித்துள்ளது.