கௌதம் மேனன் இயக்கும் புதிய படத்திற்காக நடிகர் சிம்பு வாங்கியிருக்கும் சம்பளம் குறித்த தகவல் வெளியாகியுள்ளது.
தமிழ் சினிமாவில் முன்னணி நட்சத்திர நாயகனாக வலம் வரும் சிம்புவின் நடிப்பில் மாநாடு திரைப்படம் உருவாகியுள்ள நிலையில் இப்படம் கூடிய விரைவில் ரிலீசாக உள்ளது. இதையடுத்து நடிகர் சிம்பு, கிருஷ்ணா இயக்கத்தில் பத்து தல எனும் திரைப்படத்திலும் கௌதம் மேனன் இயக்கத்தில் நதிகளிலே நீராடும் சூரியன் ஆகிய படங்களிலும் நடிக்க தயாராகி வருகிறார்.
கௌதம் மேனன் இயக்கும் நதிகளிலே நீராடும் சூரியன் திரைப்படத்தை வேல்ஸ் இன்டர்நேஷனல் பிலிம்ஸ் நிறுவனம் தயாரிக்க இருக்கிறது. இன்னும் ஒரு சில மாதங்களில் இப்படத்தின் படப்பிடிப்பு தொடங்க இருப்பதாகவும் தெரியவந்துள்ளது. இந்நிலையில் நடிகர் சிம்பு இப்படத்திற்காக 10 கோடிக்கும் மேல் சம்பளம் வாங்கி இருப்பதாக தகவல் வெளியாகி உள்ளது.