இன்னும் அவரு வரலையே… குடும்பத்தினருக்கு காத்திருந்த அதிர்ச்சி… ராமநாதபுரத்தில் நடந்த கொடூர சம்பவம்…!!

கழுத்தறுத்து மீனவர் கொலை செய்யப்பட்ட சம்பவம் பரபரப்பை ஏற்படுத்தியுள்ளது.

ராமநாதபுரம் மாவட்டத்தில் உள்ள நரிப்பையூர் கிராமத்தில் மீனவரான முருகன் என்பவர் வசித்து வந்துள்ளார். இவருக்கு வேளாங்கண்ணி என்ற மனைவியும், கேசவன் என்ற மகனும், விஷ்ணுப்பிரியா என்ற மகளும் இருக்கின்றனர். தற்போது வேளாங்கண்ணி மற்றும் அவரின் மகனான கேசவன் இருவரும் விஷ்ணு பிரியாவின் வீட்டில் வசித்து வருகின்றனர். இந்நிலையில் கடலுக்கு மீன் பிடிக்க சென்ற முருகன் வீடு திரும்பாத காரணத்தினால் உறவினர்கள் அவரை தேடி பார்த்துள்ளனர்.

அதன்பிறகு மர்ம நபர்கள் முருகனின் கழுத்தறுத்து படுகொலை செய்துவிட்டு தப்பி சென்றுள்ளனர். இதனை பார்த்த அருகில் உள்ளவர்கள் உடனடியாக காவல் நிலையத்திற்கு தகவல் தெரிவித்துள்ளனர். இது குறித்து தகவல் அறிந்த காவல்துறையினர் சம்பவ இடத்திற்கு விரைந்து சென்று முருகனின் உடலை கைப்பற்றி பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். மேலும் இது குறித்து வழக்குப்பதிவு செய்த காவல்துறையினர் மீனவரை கொலை செய்த குற்றவாளியை வலைவீசி தீவிரமாக தேடி வருகின்றனர்.