அந்த காலத்தில் பயன்படுத்தப்பட்டது…. தொல்லியல் துறையினர் கண்டெடுத்த பொருள்…. ஆச்சரியத்துடன் பார்த்து செல்லும் பொதுமக்கள்….!!

பழங்காலத்தில் பயன்படுத்தப்பட்ட உறைகிணறை தொல்லியல் ஆராய்ச்சியாளர்கள் கண்டறிந்துள்ளனர்.

தமிழர்கள் பழமை வாய்ந்தவர்கள் என்பதை நிரூபிக்க அகழ்வாராய்ச்சி பணிகள் தொடர்ந்து நடைபெற்று வருகின்றது. இந்நிலையில் தொல்லியல் துறையினர் கீழடி, மணலூர், கொந்தகை, அகரம் உள்ளிட்ட பல்வேறு பகுதிகளிலும் நடத்தப்பட்ட அகழாய்வில் பெண்கள் காதில் அணியும் தங்க ஆபரணம், பாசிமணிகள், பானைகள் போன்ற பழமையான பொருட்களை கண்டறிந்தனர். தற்போது சிவகங்கை மாவட்டத்தில் உள்ள கீழடியில் 7 – ஆம் கட்ட அகழாய்வு பணிகள் நடைபெற்று வருகிறது.  இந்நிலையில் கொரோனா ஊரடங்கால் நிறுத்தி வைக்கப்பட்டிருந்த அகழாய்வு பணி மீண்டும் தொடங்கப்பட்டது.

இதனையடுத்து கீழடியில் நடத்தப்பட்ட அகழாய்வில் தொல்லியல் துறையினர் சுடுமண்ணால் ஆன உறை கிணறு ஒன்றை கண்டறிந்தனர். இதுகுறித்து தகவல் அறிந்த அப்பகுதி மக்கள் உறை கிணறை ஆச்சரியமாக பார்த்து சென்றனர். இந்த உறைகிணறு மிகவும் நுட்பமாக 3 அடுக்குகளை கொண்டு வடிவமைக்கப்பட்டுள்ளது. இதைப்போன்ற உறைகிணறுகள் கிடைத்து வருவது தமிழர்கள் பழங்காலத்திலேயே நீர் மேலாண்மையில் சிறந்து விளங்கியதற்கு ஆதாரமாக உள்ளது.  மேலும் தொல்லியல்துறையினர் கடந்த ஆண்டு நடத்தப்பட்ட அகழாய்வு பணியில் இதே போன்ற உறைகிணறு கண்டுபிடித்தது குறிப்பிடத்தக்கது.