கன மழையினால் சாலையில் விழுந்து கிடந்த மரத்தை காவல்துறையினர் வெட்டி அப்புறப்படுத்தியுள்ளனர்.
நீலகிரி மாவட்டத்தில் உள்ள பந்தலூர் பகுதியில் கடந்த சில நாட்களாக கனமழை பெய்து வருகிறது. இதனால் அப்பகுதியில் உள்ள நீர்நிலைகளில் வெள்ளப்பெருக்கு மற்றும் சாலையோரங்களில் மண்சரிவு போன்ற நிகழ்வுகள் ஏற்படுகிறது. இந்நிலையில் தேவாலா காவல்துறையினர் கீழ்நாடுகாணி பகுதியில் தீவிர ரோந்து பணியில் ஈடுபட்டுக் கொண்டிருந்த போது சாலையில் மரம் விழுந்து கிடப்பது தெரியவந்துள்ளது.
இதனை அடுத்து சாலையில் விழுந்து கிடந்த மரத்தை காவல்துறையினர் வெட்டி அப்புறப்படுத்தி உள்ளனர். அப்பகுதிகளில் பலத்த மழை பெய்து கடும் குளிர் நிலவுவதால் பொதுமக்களின் இயல்பு வாழ்க்கை பெரிதும் பாதிக்கப்பட்டுள்ளது.