நாமக்கல் மாவட்டத்தில் அடையாளம் தெரியாத முதியவர் மர்மமான முறையில் உயிரிழந்து கிடந்த சம்பவம் பரபரப்பை ஏற்படுத்தியுள்ளது.
நாமக்கல் மாவட்டம் பரமத்திவேலூர் காவிரிக்கரை அருகில் உள்ள சிவன்கோவில் பகுதியில் 65 வயது அடையாளம் தெரியாத முதியவர் இறந்து பிணமாக கிடந்துள்ளார். இதனைப்பார்த்த அப்பகுதியினர் அதிர்ச்சியடைந்து காவல்துறையினருக்கு தகவல் தெரிவித்துள்ளனர். இதனையடுத்து பரமத்திவேலூர் போலீசார் சம்பவ இடத்திற்கு சென்று முதியவரின் உடலை மீட்டு உடற்கூராவிற்கு அரசு மருத்துவமனைக்கு அனுப்பி வைத்துள்ளனர்.
இதனைத்தொடர்ந்து அந்த முதியவர் வெள்ளை சட்டை, காவி வேஷ்டியும் அணிந்திருந்துள்ளார். மேலும் இதுகுறித்து போலீசார் வழக்கு பதிவு செய்து முதியவர் யார் என்றும், கொலையா? தற்கொலையா? என்றும் பல்வேறு கோணங்களில் விசாரணை மேற்கொண்டு வருகின்றனர். இச்சம்பவம் அப்பகுதியில் பெரும் பரபரப்பை ஏற்படுத்தியுள்ளது.