வீட்டின் கதவை உடைத்து பணம் மற்றும் மடிக்கணினி போன்றவற்றை தேடி சென்ற மர்ம நபர்களை காவல்துறையினர் வலை வீசி தேடி வருகின்றனர்.
மதுரை மாவட்டத்திலுள்ள மகபூப்பாளையம் பகுதியில் கோகுல கண்ணன் என்பவர் வசித்து வருகிறார். இந்நிலையில் கோகுல கண்ணன் தனது வீட்டை பூட்டிவிட்டு வெளியே சென்றுள்ளார். இதனையடுத்து கோகுல கண்ணன் திரும்பி வந்து பார்த்த போது வீட்டின் கதவு உடைக்கப்பட்டிருப்பதை கண்டு அதிர்ச்சி அடைந்துள்ளார்.
அதன் பின் உள்ளே சென்று பார்த்த போது பீரோவில் வைக்கப்பட்டிருந்த 30 ஆயிரம் ரூபாய் பணம், மடிக் கணினி போன்றவற்றை மர்ம நபர்கள் திருடி சென்றது கோகுலகண்ணனுக்கு தெரிய வந்துள்ளது. இதுகுறித்து கோகுலக்கண்ணன் காவல் நிலையத்தில் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் 30 ஆயிரம் ரூபாய் பணம் மற்றும் மடிக்கணினி போன்ற பொருட்களை திருடி சென்ற மர்ம நபர்களை வலை வீசி தேடி வருகின்றனர்.