அசுரன் படத்தின் தெலுங்கு ரீமேக்கான நாரப்பா படத்தின் ரிலீஸ் தேதி அறிவிக்கப்பட்டுள்ளது.
தமிழ் திரையுலகில் நட்சத்திர நாயகனாக வலம் வரும் தனுஷ் நடிப்பில் வெற்றிமாறன் இயக்கத்தில் கடந்த 2019-ஆம் ஆண்டு வெளியாகி சூப்பர் ஹிட் அடித்த திரைப்படம் அசுரன். பூமணி எழுதிய வெக்கை நாவலை அடிப்படையாக கொண்டு இந்த படம் உருவாகி இருந்தது. இந்த படம் விமர்சன ரீதியாகவும், வசூல் ரீதியாகவும் மிகப்பெரிய வரவேற்பை பெற்றது . தற்போது அசுரன் படம் தெலுங்கில் நாரப்பா என்ற டைட்டிலில் ரீமேக் செய்யப்பட்டுள்ளது. இதில் வெங்கடேஷ், பிரியாமணி, பிரகாஷ்ராஜ் உள்ளிட்டோர் நடித்துள்ளனர் .
All my well-wishers and fans have been eagerly waiting to watch our film, #Narappa. Your love towards this film has been overwhelming for me and the team, who always ensured to go an extra mile just like Narappa. pic.twitter.com/5lEMa86pRb
— Venkatesh Daggubati (@VenkyMama) July 12, 2021
இந்த படத்தின் படப்பிடிப்புகள் நிறைவடைந்து ரிலீசுக்கு தயாராகி வந்த நிலையில் கொரோனா இரண்டாவது அலை காரணமாக தியேட்டர்கள் மூடப்பட்டதால் திட்டமிட்டபடி ரிலீஸாகவில்லை. இதையடுத்து இந்த படம் நேரடியாக ஓடிடியில் ரிலீஸாகும் என படக்குழு அறிவித்தது. இந்நிலையில் நாரப்பா திரைப்படம் வருகிற ஜூலை 20-ஆம் தேதி அமேசான் பிரைமில் ரிலீஸாகும் என அதிகாரப்பூர்வமாக அறிவிக்கப்பட்டுள்ளது .