தமிழக முதலமைச்சர் மு.க ஸ்டாலின் அவர்களின் திருவுருவப் படத்தை உதடுகளால் கல்லூரி மாணவன் வரைந்துள்ளார்.
பெரம்பலூர் மாவட்டத்தில் உள்ள வாலிகண்டபுரம் பகுதியில் ராமச்சந்திரன் என்பவர் வசித்து வருகிறார். இவருக்கு நரசிம்மன் என்ற மகன் இருக்கின்றார். மேலும் நரசிம்மன் பட்டப் படிப்பான கட்டிட வரைகலை படிப்பைத் தனியார் கல்லூரியில் படிக்கின்றார். இந்நிலையில் நரசிம்மன் சாதனைப் புத்தகத்தில் இடம் பெற வேண்டும் என நினைத்துள்ளார்.
இதனையடுத்து முதலமைச்சர் மு.க ஸ்டாலின் அவர்களின் திருவுருவப்படத்தை வெள்ளை நிறத் துணியில் வாட்டர் கலர் மூலம் உதடுகளால் வரைந்து சாதனை படைத்துள்ளார். மேலும் நரசிம்மன் அதனை வீடியோவாக மாற்றி புக்ஸ் ஆப் ரெக்கார்ட் நிறுவனத்திற்கு அனுப்ப உள்ளதாக தெரிவித்துள்ளார். இதனைபார்த்த அப்பகுதி மக்கள் வியப்படைந்துள்ளனர். இந்த மாணவரின் அரிய செயல் பலரின் பாராட்டுகளையும் பெற்று வருகிறது.