கலெக்டர் ஆர்த்திடம் அளித்த மனு காரணத்தால் தையல் தொழில் செய்யும் பெண் ஒருவரின் வாழ்வாதாரத்தை காப்பாற்ற 50,000 ரூபாய் காசோலையை வழங்கியுள்ளார்.
காஞ்சிபுரம் மாவட்டத்தில் வாசிக்கும் இளைஞர்கள், ஆர்வத்துடன் இருக்கும் தொழில்முனைவோர்கள், ஆதிதிராவிடர், பெண்கள், பழங்குடியினர், மாற்றுத் திறனாளிகள், வேளாண் துறை சார்ந்த மற்றும் சாரா துறை உற்பத்தியாளர்கள் என பலர் தேர்வு செய்யப்பட்டு தொழில் தொடங்க உள்ளனர். இந்நிலையில் மாவட்ட கலெக்டரின் மனு நாள் முகாம் நடைபெற்றுள்ளது. அப்போது வாலாஜாபாத் ஒன்றியம் மற்றும் தேவரியம் பாக்கம் ஊராட்சி பகுதியில் ரமணி என்ற பெண் தையல் தொழில் மூலம் குறைந்த வருவாய் பெற்று வருவதாகவும், தனது கணவர் கட்டிட வேலைக்கு செல்வதாகவும், தனக்கு 3 பெண் குழந்தைகள் இருப்பதாகவும் மாவட்ட கலெக்டரிடம் எடுத்துக்கூறி தனக்கு கூடுதல் வருவாய் ஈட்ட கடனுதவி ஏற்பாடு செய்து தருமாறு மனு அளித்துள்ளார்.
அந்த மனுவை படித்த மாவட்ட கலெக்டர் தமிழ்நாடு ஊரக புத்தக திட்டத்தின் வாயிலாக உரிய நடவடிக்கை மேற்கொண்டு அறிவுரை வழங்கியுள்ளார். இதனையடுத்து தமிழ்நாடு ஊரக புத்தக திட்டத்தின் வாயிலாக மனுவை ஆய்வு செய்து மனு அளித்த இரண்டு நாட்களிலேயே அவர் ஏற்கனவே செய்து கொண்டிருக்கும் தையல் தொழிலை மேம்படுத்திட இம்மாவட்ட ஊரக வளர்ச்சி முகமை கூட்ட அரங்கில் நடைபெற்ற பிறதுறை அலுவலர்களுக்கான கூட்டத்தில் கடனுதவிகாக மனு அளித்த அந்த பெண்ணிற்கு 50, 000 ரூபாய் காசோலை மாவட்ட கலெக்டர் ஆர்த்தி வழங்கியுள்ளார்.