மோட்டார் சைக்கிளில் கஞ்சா கடத்தி சென்ற 2 பேரை கைது செய்து அவரிடமிருந்த 1 கிலோ கஞ்சாவை காவல்துறையினர் செய்துள்ளனர்.
காஞ்சிபுரம் மாவட்டத்தில் உள்ள எம்.ஜி.ஆர் சிலை அருகில் காவல் துறையினர் தீவிர ரோந்து பணியில் ஈடுபட்டுள்ளனர். அப்போது அவ்வழியாக மோட்டார் சைக்கிளில் சென்ற 2 நபர்களை சந்தேகத்தின் பெயரில் காவல்துறையினர் நிறுத்தியுள்ளனர். ஆனால் அவர்கள் காவல்துறையினரை பார்த்ததும் தப்பி ஓட முயற்சி செய்துள்ளனர். இந்நிலையில் அவர்களை விரட்டி சென்று காவல்துறையினர் மடக்கிப் பிடித்துள்ளனர். அதன்பின் அவர்கள் வைத்திருந்த பைகளைத் திறந்து பார்த்த போது ஒரு கிலோ எடை மதிப்புள்ள கஞ்சா பொட்டலங்களை கடத்திச் சென்றது தெரியவந்துள்ளது.
இதனையடுத்து காவல்துறையினர் கடத்தலுக்கு பயன்படுத்திய மோட்டார் சைக்கிள் மற்றும் அவர்களிடம் இருந்த கஞ்சா பொட்டலங்களையும் பறிமுதல் செய்துள்ளனர். இதனைத் தொடர்ந்து காவல்துறையினரால் பிடிக்கப்பட்ட அந்த 2 நபர்கள் ராமன் மற்றும் வெங்கடேசன் என்பது தெரியவந்துள்ளது. மேலும் இது குறித்து வழக்குப்பதிவு செய்த காவல்துறையினர் அவர்கள் 2 பேரையும் கைது செய்து தீவிர விசாரணை மேற்கொண்டு வருகின்றனர்.