ராமநாதபுரம் மாவட்டத்தில் சாலையோரம் இருசக்கர வாகனத்தில் நின்றுகொண்டிருந்த நபர் மீது கார் மோதி சம்பவ இடத்திலேயே உயிரிழந்த சம்பவம் அவரது குடும்பத்தினரிடையே சோகத்தை ஏற்படுத்தியுள்ளது.
ராமநாதபுரம் மாவட்டத்தில் உள்ள பரமக்குடியை அடுத்துள்ள காந்தி காலனியில் நடைபெற ஒரு திருமண விழாவிற்கு சிவகங்கையை சேர்ந்த கருப்புசாமி(42) என்பவர் கலந்து கொண்டுள்ளார். இதனையடுத்து திருமண நிகழ்ச்சி முடிந்ததும் மீண்டும் இருசக்கர வாகனத்தில் சொந்த ஊருக்கு திரும்பியுள்ளார். அப்போது சூடியூர் பகுதியில் உள்ள மண் ரோட்டில் நின்றுகொண்டிருந்துள்ளார். இந்நிலையில் அப்பகுதி வழியாக வந்த கார் ஓன்று எதிர்பாராதவிதமாக கருப்புசாமியின் மீது மோதியுள்ளது.
இந்த விபத்தில் அவர் சம்பவ இடத்திலேயே துடிதுடித்து உயிரிழந்துள்ளார். இதனைத்தொடர்ந்து கருப்புசாமியின் மனைவி பிரியா காவல் நிலையத்தில் புகார் அளித்துள்ளார். அந்த புகாரின் அடிப்படையில் காரை ஓட்டி வந்த திருச்சுழியை அடுத்துள்ள குச்சேனரிபட்டியை சேர்ந்த பிரசாந்த் என்ற இளைஞனை போலீசார் கைது செய்து விசாரணை மேற்கொண்டு வருகின்றனர்.