சசிகுமார் நடிக்கும் புதிய படத்தின் பூஜை இன்று நடைபெற்றுள்ளது.
தமிழ் திரையுலகில் கடந்த 2008-ஆம் ஆண்டு வெளியான சுப்ரமணியபுரம் படத்தின் மூலம் தயாரிப்பாளராகவும், இயக்குனராகவும், நடிகராகவும் அறிமுகமானவர் சசிகுமார். இதை தொடர்ந்து இவர் நாடோடிகள், சுந்தரபாண்டியன், பிரம்மன் உள்ளிட்ட பல திரைப்படங்களில் ஹீரோவாக நடித்து அசத்தினார். தற்போது இவர் ராஜவம்சம், பகைவனுக்கு அருள்வாய், எம்.ஜி.ஆர்.மகன், கொம்பு வச்ச சிங்கம்டா போன்ற திரைப்படங்களை கைவசம் வைத்துள்ளார் . இந்நிலையில் நடிகர் சசிகுமாரின் புதிய படம் குறித்த அறிவிப்பு வெளியாகியுள்ளது .
அதன்படி பிரின்ஸ் பிக்சர்ஸ் நிறுவனம் ஐந்தாவதாக தயாரிக்கும் படத்தில் சசிகுமார் நடிக்க இருக்கிறார் . அறிமுக இயக்குனர் எம்.ஹேமந்த் குமார் இயக்கும் இந்த படத்திற்கு டி.இமான் இசையமைக்கிறார். இன்று இந்த படத்தின் பூஜை சிறப்பாக நடைபெற்றுள்ளது. இந்நிலையில் இந்த படத்தில் பிக்பாஸ் பிரபலம் சமயுக்தா இணைந்துள்ளதாக தகவல் வெளியாகியுள்ளது . விரைவில் இந்த படத்தில் நடிக்கும் மற்ற நடிகர்கள், நடிகைகள் குறித்த அறிவிப்புகள் வெளியாகும் என எதிர்பார்க்கப்படுகிறது.