காங்கிரஸ் கட்சியின் முன்னாள் தலைவர் ராகுல் காந்தியை தேர்தல் வியூக நிபுணர் பிரசாந்த் கிஷோர் இன்று சந்தித்து பேசியது அரசியலில் பெரும் பரபரப்பை ஏற்படுத்தியது.
காங்கிரஸ் கட்சியின் முன்னாள் தலைவரும் வயநாடு தொகுதி எம்பியுமான ராகுல் காந்தியை தேர்தல் வியூக நிபுணர் பிரசாந்த் கிஷோர் இன்று சந்தித்தார். இந்த சந்திப்பின்போது பொதுச் செயலாளர் பிரியங்கா காந்தி, கே சி வேணு கோபால் உள்ளிட்டோர் உடனிருந்தனர். டெல்லியில் உள்ள ராகுல் காந்தி இல்லத்தில் இந்த சந்திப்பு நடைபெற்றது. நாடாளுமன்றத் தேர்தலில் பாஜகவுக்கு எதிரான வலுவான ஒரு கூட்டணியை அமைக்க அவர் உத்திகளை வகுப்பார் என்றும் அந்தக் கூட்டணியின் வெற்றிக்காக தேர்தல் உத்திகளை வகுப்பார் என்றும் கூறப்பட்டது. இதை தொடர்ந்து அண்மையில் சரத்பவார், மம்தா பானர்ஜி உள்ளிட்ட எதிர்க்கட்சித் தலைவர்களை அவர் சந்தித்தது குறிப்பிடத்தக்கது.