தமிழகம் முழுவதும் கொரோனா பரவலை கட்டுப்படுத்த முழு ஊரடங்கு அமலில் உள்ளது. அதனால் பள்ளி, கல்லூரிகள் மற்றும் பல்கலைக்கழகங்கள் அனைத்தும் மூடப்பட்டுள்ளன. அதன் காரணமாக மாணவர்களுக்கு ஆன்லைன் மூலமாக வகுப்புகள் நடத்தப்பட்டு வருகிறது. தற்போது தமிழகத்தில் கொரோனா பாதிப்பு கணிசமாக குறைந்து கொண்டே வருகிறது.
இந்நிலையில் ஆகஸ்ட் 1-ஆம் தேதி முதல் மாணவர் சேர்க்கை தொடங்கும் என்று உயர் கல்வித் துறை அமைச்சர் பொன்முடி அறிவித்துள்ளார். கல்லூரிகளை திறப்பது தொடர்பாக முதல்வருடன் பேசி முடிவு எடுக்கப்படும். உயர்கல்வியில் ஆஸ்திரேலிய அரசுடன் இணைந்து செயல்பட புரிந்துணர்வு ஒப்பந்தம் கையெழுத்திடப்பட்டு உள்ளதாகவும் தகவல் தெரிவித்துள்ளார்.