தமிழகத்தில் கொரோனா பரவல் காரணமாக பள்ளிகள் மூடப்பட்டதால் மாணவர்களுக்கு வகுப்புகள் ஆன்லைன் மூலமாகவே நடத்தப்பட்டு வந்தது. இதையடுத்து அனைத்து மாணவர்களும் தேர்வெழுதாமலேயே ஆல்பாஸ் செய்யப்பட்டனர். இந்நிலையில் அடுத்த கல்வியாண்டு தொடங்கி விட்டதால் மாணவர்களுக்கு பள்ளிகளில் மாணவர் சேர்க்கை நடைபெற்று வருகிறது.
இந்நிலையில் தமிழகம் முழுவதும் 3.40 லட்சம் தனியார், அரசு உதவி பெறும் பள்ளி மாணவர்கள் அரசுப் பள்ளிகளில் சேர்ந்துள்ளனர் என்று அமைச்சர் அன்பில் மகேஷ் தெரிவித்துள்ளார். ஒரு வாரம் முந்தைய கணக்கெடுப்பின்படி இந்த எண்ணிக்கை தெரிவிக்கப்பட்டுள்ளது. அதேபோல மாணவர்கள் இடைநிற்றலை குறித்த கணக்கெடுப்பு நடத்த உள்ளோம். 17 சதவீதமாக இருக்கும் இடைநிற்றலை 5% குறைக்க வேண்டும் என்பது தான் அரசின் இலக்கு என்று தெரிவித்துள்ளார்.