வீட்டு அலமாரியை திறந்து பார்த்த போது உள்ளே இருந்த பரிசு கூப்பனில் கிடைத்த தொகையினால் நபர் ஒருவர் பெரும் அதிர்ச்சியில் உறைந்துள்ளார்.
அமெரிக்கா நாட்டில் உள்ள புளோரிடா மாகாணத்தை சேர்ந்தவர் 54 வயதான கென்னித் மோர்கன். இவர் கடந்த ஏப்ரல் மாதம் 17ஆம் தேதி பரிசு கூப்பன் ஒன்றை வாங்கியுள்ளார். இதனை அடுத்து கென்னித் தனது பணியில் மூழ்கிவிட்டதால் வாங்கி வந்த பரிசு கூப்பனை மறந்துள்ளார். இதனை தொடர்ந்து ஓய்வில் இருந்த கென்னித் வீட்டை சுத்தம் செய்ய அலமாரியை திறந்த போது உள்ளே இருந்த பரிசு கூப்பன் கண்ணில் தென்பட்டுள்ளது.
இதனை அடுத்து அந்த பரிசு கூப்பனை எடுத்து அதில் உள்ள எண்ணிற்கு பரிசு விழுந்ததா என பார்த்துள்ளார். பின்னர் அவருக்கு அதில் ஒரு மில்லியன் டாலர் பரிசு விழுந்திருப்பது தெரியவந்துள்ளது. இதனால் அவர் மீளா அதிர்ச்சியில் உறைந்துள்ளார். மேலும் இந்தப் பரிசுத் தொகையை வைத்து என்ன செய்யப்போகிறார் என்பது குறித்த தகவல்கள் இன்னும் வெளிவரவில்லை.