ஐயோ அவங்க பார்த்துட்டாங்க…. அடித்து பிடித்து ஓடிய மர்ம நபர்கள்…. வலை வீசி தேடும் காவல்துறையினர்…!!

சட்ட விரோதமாக மணல் அள்ள முயன்ற மர்ம நபர்களை காவல்துறையினர் வலை வீசி தேடி வருகின்றனர்.

மதுரை மாவட்டத்திலுள்ள திருப்பரங்குன்றம் கண்மாய் பகுதியில் சட்டவிரோதமாக மணல் கடத்துவதாக காவல்துறையினருக்கு ரகசிய தகவல் கிடைத்துள்ளது. அந்த தகவலின் படி காவல்துறையினர் அந்த இடத்திற்கு விரைந்து சென்று தீவிர ரோந்து பணியில் ஈடுபட்டுள்ளனர். இந்நிலையில் காவல்துறையினர் வருவதை பார்த்ததும் அங்கு மணல் அள்ளிக் கொண்டிருந்தவர்கள் வாகனங்களை நிறுத்திவிட்டு உடனடியாக தப்பி ஓடிவிட்டனர்.

இதுகுறித்து வழக்குப்பதிவு செய்த காவல்துறையினர் மணல் அள்ளுவதற்கு பயன்படுத்தப்பட்ட பொக்லைன் எந்திரம் மற்றும் லாரி போன்ற வாகனங்களை பறிமுதல் செய்துள்ளனர். அதோடு காவல்துறையினர் தப்பி ஓடிய மர்ம நபர்களை வலை வீசி தேடி வருகின்றனர்.