ரேஷன் அரிசியை பதுக்கி வைத்திருந்ததை அதிகாரிகள் பறிமுதல் செய்து அவற்றை நுகர்பொருள் அதிகாரியிடம் ஒப்படைத்துள்ளனர்.
தென்காசி மாவட்டத்திலுள்ள அத்தியூத்து காட்டுப்பகுதியில் ரேஷன் அரிசியை கடத்தி சென்று பதுக்கி வைத்திருப்பதாக வருவாய் துறையினருக்கு ரகசிய தகவல் கிடைத்துள்ளது. அந்தத் தகவலின் படி வட்ட வழங்கல் அலுவலர் ஜெட்லெட் ஜெயா, வருவாய் அலுவலர் பேச்சி மற்றும் உணவு பொருள் தடுப்பு பிரிவு காவல்துறையினர் ஆகியோர் இணைந்து சம்பவ இடத்திற்கு விரைந்து சென்று அப்பகுதியில் சோதனை செய்துள்ளனர்.
அப்போது அதிகாரிகள் அங்குள்ள குழிக்குள் ரேஷன் அரிசியை பதுக்கி வைத்திருந்ததை கண்டுபிடித்துள்ளனர். இதனையடுத்து அதிகாரிகள் உடனடியாக அந்த ரேஷன் அரிசி பறிமுதல் செய்ததோடு அதனை நுகர்பொருள் அதிகாரியிடம் ஒப்படைத்துள்ளனர் . மேலும் இச்சம்பவம் குறித்து வழக்குப்பதிவு செய்த காவல்துறையினர் ரேஷன் அரிசியை கடத்தி சென்று பதுக்கி வைத்த மர்ம நபர் யார் என்ற விபரம் குறித்து தீவிர விசாரணை மேற்கொண்டு வருகின்றனர்.