சட்டவிரோதமாக கஞ்சா கடத்தி வந்த இருவரை காவல்துறையினர் கைது செய்துள்ளனர்.
திருநெல்வேலி மாவட்டத்திலுள்ள சுத்தமல்லி பகுதியில் காவல்துறையினர் தீவிர ரோந்து பணியில் ஈடுபட்டுள்ளனர். இந்நிலையில் சந்தேகத்திற்கு இடமான வகையில் 2 பேர் நின்று கொண்டிருந்ததை காவல்துறையினர் பார்த்தனர். இதனையடுத்து காவல்துறையினர் அவர்களை பிடித்து விசாரணை நடத்தினர்.
அந்த விசாரணையில் அவர்கள் ராஜீவ்காந்தி நகரில் வசிக்கும் சதீஷ்குமார், மந்திரிராஜ் என்பது காவல்துறையினருக்கு தெரியவந்துள்ளது. மேலும் அவர்கள் 2 கிலோ கஞ்சாவை பதுக்கி வைத்திருந்ததும் காவல்துறையினர் நடத்திய சோதனையில் தெரியவந்துள்ளது. இதுகுறித்து வழக்கு பதிவு செய்த காவல்துறையினர் அவர்கள் இருவரையும் கைது செய்ததோடு அவர்களிடம் இருந்த 2 கிலோ கஞ்சாவையும் பறிமுதல் செய்தனர்.