பெட்டிக் கடையில் வைத்து மது விற்பனை செய்த 2 வாலிபர்களை காவல்துறையினர் கைது செய்தனர்.
விருதுநகர் மாவட்டத்திலுள்ள அப்பைநாயக்கன்பட்டி போலீஸ் சப்-இன்ஸ்பெக்டர் வெற்றி முருகன் தலைமையில், காவல்துறையினர் தீவிர ரோந்து பணியில் ஈடுபட்டனர். அப்போது வேப்பிலைப்பட்டி கிராமத்தில் பெட்டி கடையில் வைத்து மது பாட்டில்கள் விற்பனை செய்தது காவல்துறையினருக்கு தெரியவந்தது.
இதனையடுத்து செந்தில் என்பவரை காவல்துறையினர் கைது செய்ததோடு அவரிடம் இருந்த 10 மது பாட்டில்களை பறிமுதல் செய்தனர். இதேபோன்று திருவிந்தான்பட்டி கிராமத்தில் பெட்டி கடையில் வைத்து மது பாட்டில்கள் விற்பனை செய்த தங்கபாண்டியன் என்பவரையும் காவல்துறையினர் கைது செய்ததோடு அவரிடம் இருந்த 12 மது பாட்டில்களை பறிமுதல் செய்தனர்.